ᠰᠢᠬᠢᠷ ᠨᠡᠮᠡᠪᠡᠯ ᠦᠨᠢᠶᠡᠨ ᠰᠦ ᠵᠢ ᠰᠢᠩᠭᠡᠭᠡᠬᠦ ᠵᠢ ᠬᠠᠷᠰᠢᠯᠠᠨ᠎ᠠ

ᠰᠢᠬᠢᠷ ᠨᠡᠮᠡᠪᠡᠯ ᠦᠨᠢᠶᠡᠨ ᠰᠦ ᠵᠢ ᠰᠢᠩᠭᠡᠭᠡᠬᠦ ᠵᠢ ᠬᠠᠷᠰᠢᠯᠠᠨ᠎ᠠ᠂ ᠰᠢᠬᠢᠷ᠎ᠨᠢ ᠬᠦᠮᠦᠨ᠎ᠤ ᠪᠡᠶ᠎ᠠ ᠲᠤᠳᠤᠷ᠎ᠠ ᠵᠠᠳᠠᠷᠠᠭ᠋ᠠᠳ ᠬᠦᠴᠢᠯ ᠪᠤᠯᠵᠤ᠂ ᠦᠨᠢᠶᠡᠨ ᠰᠦ ᠲᠤᠳᠤᠷᠠᠬᠢ ᠤᠭᠤᠷᠠᠭ᠎ᠲᠠᠢ ᠰᠠᠭ᠋ᠠᠷᠮᠠᠭᠵᠢᠨ᠎ᠠ᠃ ᠨᠢᠯᠬ᠎ᠠ ᠬᠡᠦᠭᠡᠳ᠎ᠲᠤ ᠰᠦ ᠤᠤᠭᠤᠯᠭ᠋ᠠᠬᠤ᠎ᠳᠠᠭᠠᠨ ᠰᠦ ᠲᠤᠳᠤᠷ᠎ᠠ᠎ᠨᠢ ᠦᠷᠭᠦᠯᠵᠢ ᠰᠢᠬᠢᠷ ᠬᠢᠪᠡᠯ ᠪᠡᠶ᠎ᠠ ᠵᠢᠨ ᠦᠰᠦᠯᠳᠡ᠎ᠨᠢ ᠤᠳᠠᠭ᠋ᠠᠰᠢᠷᠠᠵᠤ᠂ ᠪᠠᠺᠲᠸᠷᠢ ᠵᠢ ᠠ᠋ᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ᠎ᠨᠢ ᠲᠤᠷᠤᠭᠰᠢᠯᠠᠨ᠂ ᠠᠮᠢᠰᠬᠤᠯ᠎ᠤᠨ ᠰᠢᠰᠲᠸᠮ᠎ᠤᠨ ᠡᠪᠡᠳᠴᠢᠨ᠎ᠳᠤ ᠬᠠᠯᠳᠠᠪᠤᠷᠢᠯᠠᠬᠤ ᠪᠤᠯᠤᠨ ᠴᠢᠰᠦ ᠭᠠᠷᠬᠤ ᠴᠢᠨᠠᠷᠳᠠᠢ ᠭᠡᠳᠡᠰᠦᠨ ᠦᠷᠪᠢᠰᠦᠯ᠎ᠳᠤ ᠠᠮᠠᠷᠬᠠᠨ ᠨᠡᠷᠪᠡᠭᠳᠡᠨ᠎ᠠ᠃ ᠠ᠋ᠢ᠍ᠢ᠍ᠮᠦ᠎ᠠᠴᠠ ᠨᠠᠰᠤᠨ᠎ᠳᠤ ᠬᠦᠷᠦᠭᠰᠡᠳ ᠴᠦ᠍ ᠭᠡᠰᠡᠨ᠂ ᠨᠢᠯᠬ᠎ᠠ ᠬᠡᠦᠭᠡᠳ ᠴᠦ᠍ ᠭᠡᠰᠡᠨ᠂ ᠦᠨᠢᠶᠡᠨ ᠰᠦ ᠤᠤᠭᠤᠬᠤ᠎ᠳᠠᠭᠠᠨ ᠬᠡᠳᠦ ᠠᠷᠪᠢᠨ ᠰᠢᠬᠢᠷ ᠬᠢᠵᠦ ᠪᠤᠯᠬᠤ ᠦᠭᠡᠢ᠃

ᠦᠨᠢᠶᠡᠨ ᠰᠦ ᠵᠢ ᠪᠢᠴᠢᠯ ᠲᠤᠯᠬᠢᠶᠠᠨᠳᠤ ᠵᠤᠤᠬ᠎ᠠ᠎ᠪᠠᠷ ᠬᠠᠯᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ

ᠤᠭᠤᠳᠠ᠎ᠲᠠᠢ ᠦᠨᠢᠶᠡᠨ ᠰᠦ ᠵᠢ ᠰᠢᠭᠤᠳ ᠪᠢᠴᠢᠯ ᠲᠤᠯᠬᠢᠶᠠᠨᠳᠤ ᠵᠤᠤᠬ᠎ᠠ ᠲᠤᠳᠤᠷ᠎ᠠ ᠬᠢᠵᠦ ᠬᠠᠯᠠᠭᠤᠯᠬᠤ᠎ᠨᠢ ᠬᠦᠮᠦᠨ᠎ᠤ ᠪᠡᠶ᠎ᠠ ᠵᠢᠨ ᠠ᠋ᠷᠡᠭᠦᠯ ᠴᠢᠬᠢᠷᠠᠭ᠎ᠲᠤ ᠮᠠᠭᠤ ᠨᠦᠯᠦᠭᠡ᠎ᠲᠠᠢ᠃ ᠰᠦ ᠵᠢᠨ ᠤᠭᠤᠳᠠᠨ ᠲᠡᠭᠡᠷ᠎ᠠ᠎ᠨᠢ 《ᠪᠢᠴᠢᠯ ᠲᠤᠯᠬᠢᠶᠠᠨᠳᠤ ᠵᠤᠤᠬ᠎ᠠ ᠲᠤᠳᠤᠷ᠎ᠠ ᠬᠠᠯᠠᠭᠤᠯᠵᠤ ᠪᠤᠯᠤᠨ᠎ᠠ》 ᠭᠡᠬᠦ ᠦᠰᠦᠭ ᠦᠭᠡᠢ ᠪᠤᠯ ᠪᠢᠴᠢᠯ ᠲᠤᠯᠬᠢᠶᠠᠨᠳᠤ ᠵᠤᠤᠬ᠎ᠠ ᠲᠤᠳᠤᠷ᠎ᠠ ᠬᠠᠯᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ ᠠ᠋ᠷᠭᠡᠪᠰᠢ ᠦᠨᠢᠶᠡᠨ ᠰᠦ᠎ᠪᠠᠨ ᠪᠢᠴᠢᠯ ᠲᠤᠯᠬᠢᠶᠠᠨᠳᠤ ᠵᠤᠤᠬ᠎ᠠ ᠲᠤᠳᠤᠷ᠎ᠠ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠰᠠᠪᠠᠨ᠎ᠳᠤ ᠬᠢᠭᠰᠡᠨ᠎ᠤ ᠲᠠᠷᠠᠭ᠎ᠠ ᠰᠠᠶ᠋ᠢ ᠬᠠᠯᠠᠭᠤᠯᠵᠤ ᠪᠤᠯᠤᠨ᠎ᠠ᠃ 100 ᠭᠷᠠᠳᠦᠢ᠍ᠰ᠎ᠠᠴᠠ ᠲᠤᠷᠤᠭᠰᠢᠬᠢ ᠲᠤᠯᠠᠭ᠋ᠠᠨ᠎ᠳᠤ᠂ ᠪᠠᠷᠤᠭ᠎ᠤᠨ ᠰᠦᠯᠢᠶᠤᠤ ᠪᠦᠷ ᠠᠰᠠᠭᠤᠳᠠᠯ ᠦᠭᠡᠢ ᠪᠤᠯᠬᠤᠷ 100 ᠭᠷᠠᠳᠦᠢ᠍ᠰ᠎ᠠᠴᠠ ᠲᠤᠷᠤᠭᠰᠢᠬᠢ ᠪᠤᠴᠠᠯᠤᠭᠰᠠᠨ ᠤᠰᠤᠨ ᠲᠤᠳᠤᠷ᠎ᠠ ᠤᠭᠤᠳᠠ᠎ᠲᠠᠢ ᠰᠦ᠎ᠪᠠᠨ ᠲᠠᠯᠪᠢᠵᠤ ᠬᠠᠯᠠᠭᠤᠯᠪᠠᠯ ᠵᠦᠭᠡᠷ ᠶᠤᠮ᠃
ᠦᠨᠢᠶᠡᠨ ᠰᠦ ᠵᠢ ᠲᠤᠤᠷᠠᠬᠢ ᠵᠢᠮᠢᠰ᠎ᠤᠳ᠎ᠲᠠᠢ ᠴᠤᠭ᠎ᠲᠤᠨᠢ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠄

1. ᠦᠨᠢᠶᠡᠨ ᠰᠦ ᠵᠢ ᠭᠤᠭᠤᠳ ᠪᠤᠯᠤᠨ ᠦᠷᠭᠡᠰᠦᠳᠦ ᠨᠤᠭᠤᠭ᠎ᠠ᠎ᠲᠠᠢ ᠴᠤᠭ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠃ ᠦᠨᠢᠶᠡᠨ ᠰᠦ ᠵᠢ ᠭᠤᠭᠤᠳ᠎ᠲᠠᠢ ᠴᠤᠭ ᠢᠳᠡᠪᠡᠯ ᠤᠭᠤᠷᠠᠭ ᠰᠢᠩᠭᠡᠭᠡᠬᠦ ᠵᠢ ᠨᠦᠯᠦᠭᠡᠯᠡᠨ᠎ᠠ᠃

2. ᠦᠨᠢᠶᠡᠨ ᠰᠦ ᠵᠢ ᠵᠢᠮᠢᠰ᠎ᠤᠨ ᠰᠢᠩᠭᠡᠨ᠎ᠲᠠᠢ ᠴᠤᠭ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠃ ᠦᠨᠢᠶᠡᠨ ᠰᠦ ᠵᠢ ᠵᠢᠮᠢᠰ᠎ᠤᠨ ᠰᠢᠩᠭᠡᠨ᠎ᠲᠠᠢ ᠴᠤᠭ ᠢᠳᠡᠪᠡᠯ ᠰᠢᠩᠭᠡᠭᠡᠯᠳᠡ ᠵᠢ ᠨᠦᠯᠦᠭᠡᠯᠡᠬᠦ ᠠ᠋ᠰᠡᠭᠦᠯ᠎ᠠ ᠰᠠᠭᠤᠯᠭ᠋ᠠᠨ᠎ᠠ᠂ ᠠ᠋ᠢ᠍ᠢ᠍ᠮᠦ᠎ᠠᠴᠠ ᠦᠨᠢᠶᠡᠨ ᠰᠦ ᠢᠳᠡᠬᠦ ᠪᠤᠶᠤ ᠰᠦ᠎ᠪᠠᠷ ᠵᠤᠬᠢᠶᠠᠭᠰᠠᠨ ᠢᠳᠡᠭᠡᠨ ᠢᠳᠡᠭᠰᠡᠨ᠎ᠤ ᠲᠠᠷᠠᠭ᠎ᠠ ᠲᠡᠷᠡ ᠲᠠᠷᠤᠢ᠎ᠳᠤᠨᠢ ᠵᠢᠮᠢᠰ ᠢᠳᠡᠬᠦ ᠦᠭᠡᠢ ᠪᠤᠯ ᠰᠠᠢ᠍ᠢ᠍ᠨ᠃

3. ᠵᠦᠷᠵᠢ ᠪᠤᠯᠤᠨ ᠦᠨᠢᠶᠡᠨ ᠰᠦ ᠵᠢ ᠴᠤᠭ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠃ ᠦᠨᠢᠶᠡᠨ ᠰᠦ ᠤᠤᠭᠤᠬᠤ᠎ᠠᠴᠠ ᠠ᠋ᠮᠦᠨ᠎ᠠ ᠬᠤᠢ᠍ᠢ᠍ᠨ᠎ᠠ 1 ᠴᠠᠭ᠎ᠤᠨ ᠲᠤᠳᠤᠷ᠎ᠠ ᠵᠦᠷᠵᠢ ᠢᠳᠡᠬᠦ ᠦᠭᠡᠢ ᠪᠤᠯ ᠰᠠᠢ᠍ᠢ᠍ᠨ᠃ ᠦᠨᠢᠶᠡᠨ ᠰᠦ ᠵᠢᠨ ᠲᠤᠳᠤᠷᠠᠬᠢ ᠤᠭᠤᠷᠠᠭ᠎ᠨᠢ ᠵᠦᠷᠵᠢ ᠵᠢᠨ ᠲᠤᠳᠤᠷᠠᠬᠢ ᠵᠢᠮᠢᠰ᠎ᠤᠨ ᠬᠦᠴᠢᠯ᠎ᠲᠠᠢ ᠤᠴᠠᠭᠷᠠᠭᠰᠠᠭ᠋ᠠᠷ ᠬᠠᠳᠠᠭᠤᠷᠠᠵᠤ᠂ ᠦᠨᠢᠶᠡᠨ ᠰᠦ ᠵᠢ ᠰᠢᠩᠭᠡᠭᠡᠬᠦ ᠵᠢ ᠨᠦᠯᠦᠭᠡᠯᠡᠨ᠎ᠠ᠂ ᠠ᠋ᠢ᠍ᠢ᠍ᠮᠦ᠎ᠠᠴᠠ ᠰᠦ ᠤᠤᠭᠤᠬᠤ᠎ᠠᠴᠠ ᠠ᠋ᠮᠦᠨ᠎ᠠ ᠬᠤᠢ᠍ᠢ᠍ᠨᠠᠬᠢ 1 ᠴᠠᠭ᠎ᠤᠨ ᠲᠤᠳᠤᠷ᠎ᠠ ᠪᠤᠰᠤᠳ ᠬᠦᠴᠢᠯᠯᠢᠭ ᠵᠢᠮᠢᠰ᠎ᠢ ᠴᠦ᠍ ᠢᠳᠡᠬᠦ ᠦᠭᠡᠢ ᠪᠤᠯ ᠵᠤᠬᠢᠨ᠎ᠠ᠃

4. ᠦᠨᠢᠶᠡᠨ ᠰᠦ ᠪᠤᠯᠤᠨ ᠴᠤᠺᠤᠯᠠᠳ᠋᠎ᠢ ᠴᠤᠭ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠃ ᠦᠨᠢᠶᠡᠨ ᠰᠦ ᠲᠤᠳᠤᠷ᠎ᠠ ᠠ᠋ᠯᠪᠡᠭ ᠲᠡᠯᠪᠡᠭ ᠤᠭᠤᠷᠠᠭ ᠪᠤᠯᠤᠨ ᠺᠠᠯᠼ ᠠᠭᠤᠯᠤᠭᠳᠠᠵᠤ ᠪᠠᠢ᠍ᠢ᠍ᠳᠠᠭ᠂ ᠴᠤᠺᠤᠯᠠᠳ᠋᠎ᠤᠨ ᠲᠤᠳᠤᠷ᠎ᠠ ᠡᠪᠡᠰᠦᠨ ᠬᠦᠴᠢᠯ ᠠᠭᠤᠯᠤᠭᠳᠠᠵᠤ᠂ ᠬᠤᠶᠠᠭᠤᠯᠠ ᠵᠢ ᠴᠤᠭ᠎ᠲᠤᠨᠢ ᠢᠳᠡᠪᠡᠯ᠂ ᠺᠠᠯᠼ ᠰᠢᠩᠭᠡᠭᠡᠬᠦ ᠵᠢ ᠶᠡᠬᠡᠪᠡᠷ ᠨᠦᠯᠦᠭᠡᠯᠡᠨ᠎ᠠ᠃ ᠲᠡᠷᠡᠴᠢᠯᠡᠨ ᠰᠠᠭᠤᠯᠭ᠋ᠠᠬᠤ᠂ ᠦᠰᠦᠯᠳᠡ ᠵᠢ ᠤᠳᠠᠭ᠋ᠠᠰᠢᠷᠠᠭᠤᠯᠬᠤ ᠵᠡᠷᠭᠡ ᠦᠵᠡᠭᠳᠡᠯ ᠭᠠᠷᠤᠨ᠎ᠠ᠃

5. ᠦᠨᠢᠶᠡᠨ ᠰᠦ ᠪᠤᠯᠤᠨ ᠡᠮ᠎ᠢ ᠴᠤᠭ᠎ᠲᠤᠨᠢ ᠢᠳᠡᠵᠦ ᠪᠤᠯᠬᠤ ᠦᠭᠡᠢ᠃ ᠵᠠᠷᠢᠮ ᠬᠦᠮᠦᠨ ᠦᠨᠢᠶᠡᠨ ᠰᠦ᠎ᠪᠠᠷ ᠪᠤᠴᠠᠯᠤᠭᠰᠠᠨ ᠤᠰᠤ ᠵᠢ ᠤᠷᠤᠯᠠᠭᠤᠯᠵᠤ ᠡᠮ ᠲᠠᠷᠤᠭᠤᠯᠵᠤ ᠤᠤᠭᠤᠳᠠᠭ᠂ ᠦᠨᠡᠨᠳᠡᠭᠡᠨ ᠦᠨᠢᠶᠡᠨ ᠰᠦ᠎ᠨᠢ ᠬᠦᠮᠦᠨ᠎ᠤ ᠪᠡᠶ᠎ᠠ ᠵᠢᠨ ᠡᠮ᠎ᠢ ᠰᠢᠩᠭᠡᠭᠡᠬᠦ ᠵᠢ ᠨᠦᠯᠦᠭᠡᠯᠡᠵᠦ᠂ ᠡᠮ᠎ᠤᠨ ᠢᠳᠡ ᠬᠦᠴᠦ ᠵᠢ ᠪᠠᠭᠤᠷᠠᠭᠤᠯᠤᠨ᠎ᠠ᠃ ᠠ᠋ᠢ᠍ᠢ᠍ᠮᠦ᠎ᠠᠴᠠ ᠡᠮ ᠤᠤᠭᠤᠬᠤ᠎ᠠᠴᠠ ᠠ᠋ᠮᠦᠨ᠎ᠠ ᠬᠤᠢ᠍ᠢ᠍ᠨ᠎ᠠ ᠨᠢᠭᠡ ᠴᠠᠭ᠎ᠤᠨ ᠲᠤᠳᠤᠷ᠎ᠠ ᠦᠨᠢᠶᠡᠨ ᠰᠦ ᠤᠤᠭᠤᠵᠤ ᠪᠤᠯᠬᠤ ᠦᠭᠡᠢ᠃ 6. ᠦᠨᠢᠶᠡᠨ ᠰᠦ ᠪᠤᠯᠤᠨ ᠴᠠᠢ ᠵᠢ ᠴᠤᠭ ᠤᠤᠭᠤᠵᠤ ᠪᠤᠯᠬᠤ ᠦᠭᠡᠢ ᠦᠨᠢᠶᠡᠨ ᠰᠦ ᠤᠤᠭᠤᠬᠤ᠎ᠳᠠᠭᠠᠨ ᠴᠠᠢ ᠵᠢ ᠵᠡᠷᠭᠡᠪᠡᠷ ᠤᠤᠭᠤᠵᠤ ᠪᠤᠯᠬᠤ ᠦᠭᠡᠢ᠂ ᠴᠠᠢ ᠵᠢᠨ ᠲᠤᠳᠤᠷ᠎ᠠ ᠦᠨᠢᠶᠡᠨ ᠰᠦ ᠵᠢᠨ ᠺᠠᠯᠼ᠎ᠢ ᠰᠢᠩᠭᠡᠭᠡᠬᠦ ᠵᠢ ᠨᠦᠯᠦᠭᠡᠯᠡᠬᠦ ᠨᠢᠭᠡ ᠵᠦᠢ᠍ᠯ᠎ᠤᠨ ᠪᠤᠳᠠᠰ ᠪᠤᠢ᠃

ᠠᠩᠬᠠᠨ᠎ᠤ ᠬᠢᠨᠠᠭ᠍ᠴᠢ᠄  ᠸᠠᠩ  

     

     