ᠤᠷᠢᠨ ᠴᠠᠭ᠎ᠤᠨ ᠬᠦᠬᠡᠬᠤᠳᠠ ᠮᠦᠱᠢᠶᠡᠵᠦ᠍ ᠪᠠᠢᠨ᠎ᠠ

ᠡᠭᠦᠯᠡᠰ᠎ᠢ ᠰᠡᠯᠢᠨ ᠱᠢᠪᠠᠭᠤ ᠪᠤᠰᠤ ᠰᠡᠳᠭᠢᠯ ᠮᠢᠨᠢ ᠨᠢᠰᠦᠭᠡᠳ ᠯᠡ ᠁

ᠤᠷᠤᠰᠭᠠᠯ ᠬᠠᠷᠠᠭ᠍ᠰᠠᠨ ᠨᠢᠳᠦ ᠮᠢᠨᠢ ᠪᠤᠴᠠᠯᠵᠤ ᠪᠠᠢᠨ᠎ᠠ

ᠤᠰᠤᠨ᠎ᠤ ᠬᠦᠨ᠎ᠳᠤ ᠴᠢᠯᠠᠭᠤ ᠪᠢᠰᠢ ᠤᠳᠤᠳ ᠭᠡᠷᠡᠯᠳᠦᠭᠡᠳ ᠯᠡ ᠁

ᠳᠠᠯᠠᠨ ᠬᠠᠷ᠎ᠠ᠎ᠶ᠋ᠢᠨ ᠠᠯᠳᠠᠨ ᠬᠠᠷᠭᠠᠨ᠎ᠠ ᠨᠢᠳᠦᠯᠡᠵᠦ᠍ ᠪᠠᠢᠨ᠎ᠠ

ᠦᠷᠭᠡᠰᠦ᠎ᠨᠢ ᠬᠦᠷᠳᠡᠯ᠎ᠡ ᠬᠤᠩᠭᠤᠷ ᠪᠤᠳᠤᠯ᠎ᠢ ᠮᠢᠨᠢ ᠭᠡᠵᠢᠭᠡᠳᠡᠭᠡᠳ ᠯᠡ ᠁

ᠳᠠᠩᠴᠤ᠌ ᠵᠦᠭᠡᠯᠡᠨ ᠰᠠᠯᠬᠢ ᠬᠠᠴᠠᠷ᠎ᠢ ᠮᠢᠨᠢ ᠦᠨᠦᠰᠴᠦ᠍ ᠪᠠᠢᠨ᠎ᠠ

ᠡᠵᠡᠬᠦᠢ ᠪᠠᠢᠭ᠍ᠰᠠᠨ ᠬᠡᠨᠡᠨ ᠮᠡᠳᠡᠷᠡᠮᠵᠢ᠎ᠶ᠋ᠢ ᠦᠳᠦᠭᠡᠭᠡᠳ ᠯᠡ ᠁

ᠭᠤᠯᠭᠤᠢ ᠴᠡᠴᠡᠭ ᠭᠤᠷᠪᠠᠳᠤᠭᠠᠷ ᠰᠠᠷ᠎ᠠ᠎ᠳᠠᠭᠠᠨ ᠳᠡᠯᠭᠡᠷᠡᠵᠦ᠍ ᠪᠠᠢᠨ᠎ᠠ

ᠭᠠᠳᠠᠨ᠎ᠠ᠎ᠪᠠᠨ ᠦᠯᠦ᠍ ᠦᠵᠡᠭ᠌ᠳᠡᠭ᠌ᠴᠢ ᠮᠦᠷᠦᠭᠡᠳᠦᠯ ᠮᠢᠨᠢ ᠵᠢᠭᠦᠷᠯᠡᠭᠡᠳ ᠯᠡ ᠁

ᠮᠦᠩᠬᠦᠨ ᠰᠠᠷᠠᠨ᠎ᠤ ᠭᠡᠭᠡ ᠵᠡᠭᠦᠳᠦ᠍᠎ᠶ᠋ᠢ ᠮᠢᠨᠢ ᠠᠷᠭᠠᠳᠠᠵᠤ ᠪᠠᠢᠨ᠎ᠠ

ᠮᠦᠩᠭᠡ᠎ᠶ᠋ᠢᠨ ᠲᠡᠷᠡ ᠬᠦ᠌ ᠭᠱᠠᠨ ᠤᠷᠤᠭᠤ ᠦᠵᠦᠭ᠎ᠢᠶᠠᠨ ᠳᠦᠷᠦᠭᠡᠳ ᠯᠡ ᠁

ᠵᠢᠷᠦᠭᠡᠨ᠎ᠤ ᠠᠮᠠᠷᠠᠭ ᠮᠡᠲᠦ ᠡᠨᠡ ᠬᠦ᠌ ᠬᠤᠳᠠ ᠨᠠᠮᠠᠶ᠋ᠢ ᠬᠦᠬᠢᠬᠡᠵᠦ᠍ ᠯᠡ ᠪᠠᠢᠨ᠎ᠠ

ᠵᠠᠭᠤ ᠮᠢᠩᠭᠠᠨ ᠠᠨᠢᠷ ᠴᠡᠴᠡᠭ᠌ᠯᠡᠨ ᠱᠢᠯᠦᠭ᠎ᠤᠨ ᠠᠶᠠᠯᠭᠤ ᠪᠤᠯᠵᠤ ᠠᠰᠭᠠᠷᠠᠭᠠᠳ ᠯᠡ᠁

              ᠵᠣᠬᠢᠶᠠᠭ᠍ᠴᠢ᠄ ᠤᠷᠢᠶᠠᠩᠬᠠᠢ ᠪᠤᠶᠠᠨᠳᠤ

ᠠᠩᠬᠠᠨ᠎ᠤ ᠬᠢᠨᠠᠭ᠍ᠴᠢ᠄  ᠸᠠᠩ  

     

     